Pruntamintu ALKAS II nsaminah studanti sa chadisa kung intindemintu di Lingguaza Kristang, kiora kabah 80 ora di lisang Kodrah Kristang. Chuma ALKAS I, nteh kapas kung ngka kapas, namas teng kapas altu pra studanti ganyah marka mutu altu.
Teng 4 kinyang na ALKAS II:
Kinyang 1 Les kung repostah
Studanti mistih repostah 4 sorti di preguntu: MCQ, preguntu kutru, cloze passage kung comprehension.
Marka grandi mbes: 40 (100%) | Marka kapas altu: 35 (88%)
Kinyang 2 Skribeh
Studanti mistih skribeh 1 diskursu di 30-40 palabra kauzu di ngua tema.
Marka grandi mbes: 20 (100%) | Marka kapas altu: 17 (85%)
Kinyang 3 Ubih
Studanti mistih ubih diskursu, repostah preguntu.
Marka grandi mbes: 20 (100%) | Marka kapas altu: 18 (90%)
Kinyang 4 Papiah
Studanti mistih papiah kung pruntador/a.
Marka grandi mbes: 20 (100%) | Marka kapas altu: 17 (85%)
Marka kapas altu
Tudu kinyang teng marka kapas altu (intresmiu 85%-90% di marka altu mbes).
Pra achah kapas altu pra tudu pruntamintu ALKAS II, mistih ganyah 87 puntu (87%).
Studanti achah kapas altu pra tudu kinyang, Kodrah Kristang logu abizah fikah judanti di Kodrah Kristang.
Naki teng lista di 399 palabra pra ALKAS II:
ALKAS II Lista di Palabra, 2 April 2018